Mjúkvefja-sarkmein er samheiti yfir fjölda æxla (yfir 30 tegundir) sem eru upprunnin frá hinum ýmsu mjúkvefjum (bandvefjum, s.s. fituvef, vöðvavef, æðavef, o.s.frv.). Um 7,800 ný tilfelli eru greind í Bandaríkjunum árlega.
Faraldsfræði:
Tíðni eykst með
auknum aldri. Um fimmtungur tilfella er í fólki
undir fertugu. Kynjahlutfall er svotil jafnt.
Áhættuþættir:
Lítið er vitað um
tilurð þessara æxla. Þó er
líklegt að geislun og fyrri lyfjameðferð komi
hér við sögu. Einnig eru tengsl við ýmis
efnasambönd notuð í iðnaði.
Einkenni:
Algengast er að
sjúklingur verið sjálfur var við fyriferð.
Helmingur þessara æxla er í útlimum.
Þriðjungur þeirra veldur verkjum.
Meinafræði:
Eins og fyrr segir eru æxlin
ættuð frá rúmlega 30 mismunandi bandvefstegundum.
Algengust eru æxli frá vöðva- og fituvef.
Stigun:
Fjögur stig háð útbreiðslu og vefjafræðilegu útliti æxlisins.
Skimun & sjúkdómsgreining:
Ekki er skimað fyrir
þessum æxlum. Sjúkdómsgreiningin er
fengin við smásjárskoðun á vefjasýni.
Meðferð:
Skurð-, geisla- og
lyfjameðferð, allt eftir útbreiðslu sjúkdómsins.