Lystarleysi og þyngdartap
getur verið merki um útbreitt krabbamein. Sum
krabbamein framleiða efnasambönd sem valda lystarleysi og
auka bruna líkamans. Slíkt ástand
leyðir fyrr eða síðar til að gengið er
á varaforðann, fitu- og vöðvavef og
sjúklingar fara að tapa þyngd. Þetta
ástand leiðir til þreytu og slappleika og úr
verður vítahringur.
Mikilvægt er fyrir
krabbameinssjúklinga með útbreitt krabbamein eða
sjúklinga í strangri lyfjameðferð að huga
vel að næringarástandi sínu. Þetta
er ekki rétti tíminn til að fara í megrun !
Mjög mikilvægt er að hesthúsa öllum
þeim kalóríum sem menn geta nálgast og
spara hvergi við sig. Ef valið stendur á milli
rjómaíss með sultu og
súkkulaðisósu og hrökkbrauðs mæli
ég með fyrri kostinum.
Næringarráðgjöf getur verið mjög hjálpleg.
Mörgum hefur reynst vel að borða litlar
máltíðir í senn og borða oft.
Í sumum tilvikum má
auka matarlyst með lyfjum. Til þessa hafa verið
notaðir sykursterar og aðrir hormónar til að mynda
megestrol acetate sem einnig hefur verið notað í
alnæmissjúklingum með góðum árangri.
Rannsóknir hafa sýnt
að næringjargjöf um magaslöngu eða í
æð gefst ekki vel í þessum sjúklingahópi.