Legbolskrabbamein

 

Legbolskrabbamein (endometrial cancer) einkennist af illkynja vexti í slímhúð legbolsins.  Þetta er algengasta tegund krabbameins í kynfærum kvenna.

 

Faraldsfræði:

 

95% tilfella eru í konum eldri en 40 ára og einkum eftir tíðahvörf.

 

Áhættuþættir:

 

Hormónið estrogen hvetur slímhúðarfrumur í legbol til skiptingar.  Aukið áreiti estrogens á þessar frumur eykur líkur á krabbameinsmyndun.  Hlutfall estrogens í samanburði við önnur hormón lækkar í meðgöngu.  Því er tíðni þessa krabbameins um tvöfalt hærri í konum sem ekki hafa gengið með börn í samanburði við þær sem hafa átt börn.  Offita er annar áhættuþáttur og tengdur myndun estrógens í fituvef.  Einnig hefur sjúkdómurinn verið tengdur sykursýki og háþrýstingi og fjölskyldusögu.

 

Tamoxifen er hormónalyf sem er mjög gagnlegt í meðferð brjóstakrabbameins.  Hinsvegar eykur lyfið tíðni legbolskrabbameins.  Algengi sjúkdómsins í konum sem ekki taka tamoxifen er metin um 0.2 tilfelli á hverjar 1000 konur.  Hinsvegar eykst tíðnin í hópi þeirra kvenna sem taka tamoxifen í um 1,6 tilfelli á hverjar 1000 konur.  Ábati kvenna með brjóstakrabbamein eða mikla áhættu á að greinast með brjóstakrabbamein af töku tamoxifens er margfalt meiri en sú aukna áhætta af legbolskrabbameini sem fylgir töku lyfsins.  Til ad mynda minnkar tamoxifen líkur á endurkomu brjóstakrabbameins í konum hafa áður greinst með brjóstakrabbamein og fengið viðeigandi meðferð úr 228 tilfellum í 124 tilfelli af hverjum 1000 konum sem taka ekki eða taka lyfið.  Konur sem hafa mikla áhættu á að greinast með brjóstakrabbamein geta minnkað tíðni þess með því að taka lyfið úr 40,5 tilfelli á hverjar 1000 konur í 23,5 tilfelli á hverjar 1000 konur.

 

Skimun:

 

Ekki er mælt með reglulegri skimun í einkennalausum konum.

 

Meinafræði:

 

Flest meinin eru af kirtilfrumuuppruna.

 

Stigun:

 

Sjúkdómurinn er flokkaður í 4 stig allt eftir útbreiðslu og vefjafræðilegri gerð æxlisins.

 

Meðferð:

 

Meðferð samanstendur af skurð-, geisla- lyfja- og hormónameðferð.