Kalkkirtlakrabbamein

 

Kalkkirtlarnir sitja framan á hálsinum og framleiða hormón (PTH) sem stjórnar styrk kalks í blóði.  Krabbamein í þessum kirtlum er sjaldgæft.

 

 

Faraldsfræði:

 

Sjúkdómurinn gerir yfirleitt vart við sig um miðja ævina og er jafnalgengur í konum og körlum.

 

 

Áhættuþættir:

 

Ekki er vitað hvað veldur Kalkkirtlakrabbameini.  Ekki er að finna tengsl við geislun á háls.

 

 

Einkenni:

 

Flestir sjúklingar hafa mjög hátt magn kalks í blóði. Fyrirferð er þreifanleg á hálsi. Hæsi kann að vera til staðar.

 

 

Skimun og sjúkdómsgreining:

 

Sjúkdómsgreiningin er staðfest með sýnatöku.  Ekki er skimað fyrir krabbameini í Kalkkirtlum.

 

 

Stigun, meðferð og horfur:

 

Meðferð er í flestum tilvikum skurðaðgerð.  Hátt kalkmagn er meðhöndlað með lyfjum.  Erfitt er að meta horfur.  Þess eru dæmi að sjúklingar hafi greinst með sjúkdóminn að nýju 3-10 árum eftir upphaflega skurðaðgerð.