Hospice eru samtök sem
einbeita sér að líknandi meðferð deyjandi
sjúklinga, (þetta á við alla sjúklinga,
ekki bara krabbameinssjúklinga). Á
undanförnum árum hefur orðið markverð
hugarfarsbreyting í hinum vestræna heimi varðandi
umönnun hins deyjandi manns. Í stað þess
að deyja á sjúkrahúsi kjósa nú
æ fleiri að deyja heima umvafðir ást og
hlýju fjölskyldu sinnar og heimilis.
Hospice-samtökin aðstoða við að gera þetta kleift.
Starfsmenn Hospice eru reiðubúnir til aðstoðar
allan sólarhringinn ef þörf er á neyðaraðstoð.
Þetta kemur í veg fyrir að sjúklingurinn
þurfi að leita sér aðstoðar á
bráðamóttöku með öllu því
umstangi sem því fylgir. Einnig koma
Hospice-starfsmenn í heimsóknir með reglulegu
millibili, stundum daglega, stundum vikulega, -allt eftir
þörfum hvers og eins. Áhersla þeirra er
líkn og aðstoð í tengslum við
líkamlegar, andlegar, félagslegar og trúarlegar
þarfir hvers og eins. Í samvinnu við vini og
fjölskyldu sjúklingsins aðstoða Hospice
starfsmenn við umönnun og líkn hins deyjandi
sjúklings síðustu mánuði lífs hans.
Mikilvægt er að hlúa vel að þessum
óumflýjanlega kafla í lífi okkar allra,
í þágu hins deyjandi og þeirra sem eftir lifa.