Fleyðra er himnan sem þekur lungun og liggur innan
á brjóstkassanum. Fleyðran er í raun úr tveimur lögum og á milli þeirra er
getur stöku sinnum safnast vökvi, -svokallaður fleyðruvökvi. Fleyðruvökvi verður til við ýmis áreiti í
brjóstholi, til að mynda við lungnabólgu, lungnablóðtappa, fleyðrubólgu og
krabbamein. Fleyðrukrabbamein er
gjarnan nefnt mesothelioma. Um er að
ræða sjaldgæft krabbamein upprunnið í fleyðru eða það sem enn sjaldgæfara er –
lífhimnu.
Faraldsfræði:
Í Bandaríkjuum grenast um 2,000-3,000 tilfelli
árlega. Karlar eru fimm sinnum líklegri
til að fá sjúkdóminn en konur.
Meðalaldur við greiningu er 60 ár.
Áhættuþættir:
Fleyðrukrabbamein er í langflestum tilvikum rakið
til asbests. Asbest var víða notað til
klæðninga innanhúss áður fyrr og til einangrunar. Gjarnan líða 3-4 áratugir á milli asbest-áreitis og sjúkdómsins.
Einkenni:
Mæði, hósti, takverkur, þyngdartap, hiti, sviti.
Skimun
og sjúkdómsgreining:
Skimun hefur ekki verið beitt vegna þess hve sjaldgæfur
sjúkdómurinn er.
Sjúkdómsgreiningin er fengin með sýnatöku úr
æxlinu.
Meinafræði:
Yfirleitt af þekjufrumuuppruna. Sum æxli eru blönduð og sjaldnar hrein
bandvefsæxli.
Stigun,
meðferð og horfur:
Stigin eru fjögur allt eftir útbreiðslu sjúkdómsins. Sjaldgæft er að lækna þennan sjúkdóm þó það
takist stöku sinnum. Meðallíftími eftir
sjúkdómsgreiningu er talinn í fáum árum.
Skurð-,geisla- og lyfjameðferð er beitt allt eftir
því sem við á hverju sinni.