Alnæmi veldur ónæmisbælingu. Um 40% alnæmissjúklinga fá krabbamein. Ég mun stuttlega nefna þau algengustu.
Kaposi´s sarcoma (KS)
KS er algengasta krabbamein sem
finnst í alnæmissjúklingum. Það hefur
nú verið tengt sýkingu með Herpes-veiru 8.
KS er sjúkdómur sem leggst á húð og slímhúðir.
Húðmeinin eru yfirleitt bláleit, jafnvel
fjólublá og lítillega upphækkuð.
Meðferð er mjög
einstaklingsbundin og fer eftir staðsetningu meinanna og
ástandi sjúklings. Mikilvægt er að
bæta ónæmiskerfið sjálft með lyfjum
gegn alnæmisveirunni. Geisla- og
krabbameinslyfjameðferð er gagnleg í sumum tilvikum.
Ónæmismeðferð með interferoni á
við í sumum tilvikum. A-vitamin afleiður (9-cis
retinoic acid) hafa reynst gagnlegar. Hugsanlega kemur
meðferð gegn herpesveiru-8 með veirulyfjum að gagni.
Eitlakrabbamein önnur en
Hodgkins sjúkdómur (NHL)
NHL er um 60 sinnum algengara
í Alnæmissjúklingum en fólki með
óskert ónæmiskerfi. Reyndar er talið
að um fimmtungur allra NHL tilfella sé tilkominn vegna alnæmissmits.
Þessi eitilfrumukrabbamein
eru flest rakin til veirusýkinga. Epstein-Barr veira,
Lifrarbólguveira C og fleiri eiga hlut að máli.
Einkenni eru háð
staðsetningu og útbreiðslu sjúkdómsins.
B-einkenni (hiti, nætursviti og þngdartap) eru áberandi.
NHL í alnæmissjúklinum hefur ríka
tilhneigingu til að vaxa utan eitlastöðva, t.d. í
heila, meltingarvegi og beinmerg.
Meðferð byggir á lyfjameðferð.
Einnig er mælt með varnandi gjöf krabbameinslyfja
inní miðtaugakerfisvökva vegna þess hversu
algengur miðtaugakerfissjúkdómur er í alnæmissjúlingum.
Geislameðferð á einnig við í völdum tilvikum.
Leghálskrabbamein er stundum
fyrsta einkenni um alnæmissjúkdóm. Talið
er að ónæmisbælingin verði til þess
að human papilloma veira (HPV) sem á drjúgan
þátt í myndun leghálskrabbameins nái
sér vel á strik. Allt að helmingur kvenna
með alnæmi hafa leghálskrabbamein.
Einkenni eru allt frá
því að vera engin uppí blæðingu
frá fæðingarvegi, verki, hægða- og þvagtregðu.
Skimun er
ráðlögð í konum með alnæmi
á 6 mánaða fresti.
Flest þessara meina eru af flöguþekjuuppruna.
Meðferð byggir á
skurð-, geisla- og lyfjameðferð, allt eftir
útbreiðslu sjúkdómsins og ástandi sjúklingsins.
Þessi tegund krabbameins er
einnig rakin til sýkingar af HPV-veiru eins og leghálskrabbameinið.
Aðalsmitleiðin er endaþarmsmök.
Helstu einkenni eru verkir,
blæðing og hægðatregða.
Flest þessara meina eru af flöguþekjuuppruna.
Meðferð byggir á
skurð-, geisla- og lyfjameðferð, allt eftir ástandi
sjúklings og útbreiðslu sjúkdóms.